Dugang nga P200 legislated wage hike, pagpaiway sang red-tagging ginapanawagan sang labor sector.
Nagmartsa halin sa Capitol Lagoon pakadto sa Bacolod Public Plaza ang mga rogresibo nga grupo sa pagpanguna sang Kilusang Mayo Uno.
Ginpahayag ni Noli Rosales Secretary-General sang KMU nga kabahin sa ila panawagan dungan sa pagdumdom sang Labor Day ang pagpatuman sang P1,200 daily living wage nga across the board.
Ginakondenar man nila ang red-tagging kag ang mga black propaganda batuk sa mga partylist organization sa idalom sang Makabayan Bloc.
Ang katapo sang National Congress of Unions in the Sugar Industry of the Philippines ukon NACUSIP upod sa Trade Union Congress of the Philippines nagahinyo sa Marcos Administration nga ipatuman na ang dugang nga P200 legislative daily wage increase para sa tanan nga mga mamumugon.
Sa 123rd Laboy Day Celebration ginpahayag ni Presidente Ferdinand Marcos, Jr. nga kinahanglan matun-an ang ginaduso nga daily wage increase tungod sang mga impact sini sa Negosyo kag sa ekonomiya.