Dugang nga pondo para sa Museum, Coliseum kag Bacolod General Hospital gin-request kay Sen. Zubiri.
Nagpadala ang Bacolod City Council sang request kay Senator Juan Miguel “Migz” Zubiri para sa dugang pondo sa tatlo ka proyekto sang syudad – ang Bacolod General Hospital, Bacolod Museum, kag ang Coliseum.
Suno kay Councilor Jason Villarosa, chair sang committe on tourism, ang ginrequest nga pondo naga-total sang ₱100 milyon para sa Bacolod General Hospital kag ₱70 milyon para sa Bacolod Museum kag Coliseum. Ang pondo para sa hospital kag museo pagagamiton para sa completion sang Phase 7 sang proyekto.
Ginpahayag man ni Villarosa nga ang coliseum target matapos antes sang Batang Pinoy 2026, nga ang maga host Bacolod City. Ang coliseum target matapos sa Oktubre, samtang ang museum yara pa sa reconstruction sang exterior bangud sang kahalitan nga dala sang bagyo.
Subong ginapa-expedite sang Sangguniang Panlungsod ang resolusyon agud mapirmahan ni Vice Mayor Claudio Puentevella kag mapadala sa Manila, nga kinahanglan sang opisina ni Zubiri bilang dokumentasyon para sa pag-release sang pondo.*