Dugang nga mga Sinovac vaccines nag abot sa Negros Occidental kaina sang aga.
Nag abot kaina sang aga sa Bacolod-Silay airport ang dugang nga mga Sinovac vaccines gikan sa Department of Health.
16,000 ka mga vials ang gin talana para sa Negros Occidental kag 7,480 vials naman ang para sa siudad sang Bacolod.
Gilayon ini nga ginpangdala sa cold storage facility.
Bangud may clearance na gikan sa DOH, padayunon ang paghatag sang sinovac vaccines sa mga senior citizens sa Bacolod kag sa Negros Occidental.
Indi pa ini kabahin sang mga bakuna nga gin order sang Bacolod kag Negros Occidental. Supply ini gikan sa national government.