Makita sa video ang pag-order sang lalaki sang duha ka lechon manok sa isa ka balaligyaan sa Bangga Metal, Barangay Alijis, Bacolod City, samtang yara sa motor ang iya upod nga nagadala sang motorisklo.
Ginkuha sang lalaki ang isa ka lechon manok nga naputos na, samtang gina-preparar sang bantay ang isa pa gid ka order.
Ginapadaho sang lalaki ang ikaduha nga putos sang lechon manok apang wala ini ginhatag sang manugbantay kag siya ang ginpangayuan sang bayad.
Nagkadto ang lalaki sa iya upod nga yara sa motor. Pagkaligad ang pila ka segundos, nag-angkas ang lalaki kag sila ang nagpalagyo bitbit ang isa ka lechon manok.
Mabatian pa sa CCTV ang pagsinggit sang manugbantay sang bayad sa lechon manok, ugaling wala na ini sang may nahimo.
Natabo ang insidente sang Domingo, Hulyo 12.
Sa karon, ginatinguhaan pa sang Station 7 nga makilal-an ang duha ka mga lalaki.
[sibwp_form id=1]