Bukas na karon ang Camp Nolan Trail kag ang river dipping area sa Mambukal Resort and Wildlife Sanctuary.
Wala labot sini may bag-o pa gid nga Garden Cafe nga ginbuksan man.
Kahapon, Hwebes, gin pamunuan ni Negros Occidental Governor Eugenio Jose Lacson, 3rd District Board Member Andrew Montelibano kag Provincial Administrator Rayfrando Diaz ang inagurasyon sang mga bag-o nga facilities.
Naga balor sang masobra sa 30 million pesos ang pag patukod kag improvement sa amo nga mga facilities.
Suno kay Diaz, P5.8 million ang balor sang Garden Cafe. Ang improvement sang Camp Nolan Trail naman nagabalor sang P10.5 million.
Samtang ang bag-o nga power house ukon ang electrical rehabilitation ang naga balor naman sang P15 million.
Suno kay Negros Occidental Governor Eugenio Jose Lacson ang inauguration sang mga bag-o kag upgraded nga facilities ang naga re-affirm nga ang Mambukal ang isa sa mga icons sang tourism sa Negros Occidental.
Suno sa gobernador gina pasiguro nila nga maga pabilin nga competitive ang Mambukal sa tourism landscape sa karon.
[sibwp_form id=1]