Dugang nga 44 ka mga show cause order ang ginpapanaog sang Comelec Task Force Anti Epal sa mga naga papili nga gin reklamo sang pre-mature campaigning. 23 diri mga kandidato gikan sa EB Magalona.
Suno kay Provincial Elections Supervisor, Ian Lee Ananoria Kahapon, Oktubre 2 nila nabaton ang show cause order.
Magluwas sa 23 ka mga kandidato sa duha ka barangay sa EB Magalona, may walo man ka show cause order nga ginpapanaog sa mga kandidato sa duha ka mga barangay sa Bacolod, walo sa Himamaylan City, tatlo sa Bago City kag tig-isa sa Sipalay City kag Kabankalan City.
Yara na sa mga kandidato ang pagsabat sa mga reklamo batuk sa ila. Direkta man dapat in isa Task Force ipadala. Damlag pa may show cause order man nga napapanaog ang Comelec angut sa premature campaigning sa isa ka kandidato sa Bacolod City, isa sa La Carlota City kag isa sa Sipalay City.
Sa kabilugan, 47 na ang show cause order nga napapanaog kag may duha ka mga reklamo sang vote buying sa Cadiz City.
Padayon ang pahanumdom ni Ananoria sa mga kandidato nga ipaiway ang pre-mature campaigning labi na nga malapit naman lang ang campaign period nga natalana magsugod October 19.
Gina paabot man ni Ananoria nga magadugang pa gid ang reklamo bangud mahimo nga magabantayan kag balusay na lamang ang mga natungdan.