Green lane italana sa Yuhum Villages, dugang nga construction sang masobra 4000 housing units sa Banago kag Estefania natalana man suguran Sa Disyembre 20 ginapaabot ang pagtambong ni Presidente Ferdinand Marcos, Jr. sa ceremonial turn-over sang nahauna nga 288 housing units sang Yuhum Village sa Barangay Vista Alegre, kabahin sang Pambansang Pabahay Program.
Suno kay Mayor Albee Benitez ginaplano naman ang pagtalana sang green lane ukon rota para sa mga magabyahe nga electric jeepney sa lugar.
Ginpahayag man sang alkalde nga magluwas sa Barangay Vista Alegre natalana man nga suguran ang construction sang dugang nga 3,120 housing units sa Barangay Banago kag 1,440 pa ka residential units sa Barangay Estefania kabahin sang socialized housing program sang siudad upod sa Department of Human Settlement and Urban Development kag Pag-ibig.
Sa record sang Bacolod Housing Authority nagalab-ot sa masobra 60,000 ang wala sang kaugalingon nga mga balay sa siudad, masobra 8,000 diri ang nakabig informal settler families nga kabahin sa mga target nga mabuligan sang siudad sa ginapatuman nga housing program.