Dugang nga 3MLD nga supply sang tubig gikan sa Matab-ang river ginapaabot maga pahagan-hagan sang epekto sang tig-ilinit sa siudad.
Halin sang nagligad nga semana naghagan-hagan na ang problema sa kakulang sang supply sang tubig matapos natigayon nga na-inject ang dugang nga bulk water supply sa Baciwa – Primewater.
Ginapaabot ni Mayor Albee Benitez nga mabalik sa normal ang kakulang sang supply nga nagnubo sa 4 million liters a day sang nagligad nga bulan.
Yara karon sa 81MLD ang water supply sang water utility.
Gindugang sang alkalde nga sa masunod nga semana may dugang nga 3MLD nga water supply ang iga-inject sang bulk water supplier halin sa Matab-ang bulk water supply project.
Ini ang ginalauman makapahagan-hagan sang mangin epekto sang tig-ilinit ilabi na sa mga water consumers sa siudad.