Magluwas sa gina-monitor nga mga street dwellers sa pila ka mga dalanon, magalibot ang katapo sang Bacolod-DSSD labi na sa dalan Lacson kun diin na-report ang pagduging sang mga Badjao.
Ginsiling ni DSSD head Richelle Verdeprado-Mangga nga iya ginmando sa katapo sang City Anti-Mendicancy Team nga i-monitor ang mga areas kun diin may reported nga mga Badjao agud matigayon ang rescue operation.
May mga netizens nga naga-reklamo may angut sa pila ka mga Badjao nga gina-alegar nagapamahug kun indi tagaan sang bulig.
Gindugang ni Verdeprado-Mangga nga wala sila sang may nabaton pa nga report angut sa amo nga insidente.
Wala man sila ang nasikop nga mga Badjao humalin sang nagligad nga Pebrero.
Mahimo suno sa iya nga nagalibot sa pila ka mga banwa kag siudad ang mga Badjao kun diin may yara sang okasyon.