Kasunod sang pag ka patay sang anum tanan ka persona sang mag igo ang habagat nga nagdala sang tuman nga ulan kag pagbaha, Gobernador sang probinsya ang naga panawagan sa mga alkalde nga lantawon liwat ang mga Disaster Risk Reduction Management protocol.
Zero casualty ang dapat i-target kun mag igo ang kasubong nga mga sahi sang panahon suno kay Governor Eugenio Jose Lacson.
Ini ang isa sa ginduso sang gobernador sa iya nga mensaha sa swearing-in ceremony sang bag-o nga mga opisyales sang Negros Association of Chief Executives.
Suno kay Lacson ang natabo pahanumdom sang unpredictability kag pwersa sang nature. Dugang pa niya, ang disaster response naga sugod antes pa man mag igo ang kalamidad.
Ginahaylo niya man ang mga alkalde nga indi lamang mag invest sa equipment kag infrastructure kundi mag plano sang matul-di kag mag coordinate sa tanan nga level sang gobyerno.
Suno kay Cadiz City Mayor Salvador Escalante, Jr., nga presidente sang Negros ACE naga ugyon sila kag maga buylog sa isa ka province wide DRRM summit. Depende na sa gobernador kun san-o ini patigayunon.
