Shadow

Driver sang motorisklo patay matapos malapakan sang truck sa Sagay

Sagay PNP photo

Patay ang 22 anyos nga driver sang motor nga si Kayne Ray Taleda matapos malapakan sang truck sang Miyerkules sa highway sakop sang Barangay Old Sagay sa siudad sang Sagay.

Pilason naman ang iya sini nga angkas. Sa imbestigasyon sang Sagay PNP, naga sunod sa nagadalagan nga truck ang motor ni Taleda kag ang isa pa ka motor nga gina dala naman ni John Danly Baraga.

Una nga nag overtake sa truck suno sa pulis si Baraga apang nag untat ini bangud sa naga parking nga tricycle sa unhan.

Didto na kag nagbunggo ang motor ni Taleda sa nag untat nga motor ni Baraga gani sila ang natumba. Nalapakan si Taleda sang truck nga gin tunaan sang iya kamatayon.

Minor injury naman ang naangkun sang iya angkas samtang si Baraga ang luwas naman sa katalagman.

Secured By miniOrangeSecured By miniOrange