Driver nga nag-counterflow sa viral video sa flyover sa Magsaysay sa Bacolod nakilala na kag gin ticketan sang BTAO.
Nangin viral ang video nga kuha ni Joy Cee sang Lunes sa may flyover sa dalan Magsaysay sa Bacolod.
Nagsugata sa iya nga lane sa mismo nga flyover ang isa ka Toyota Vios. Ang Toyota Raze naman hinali na lang nga nagliko sa pagpanaug sa flyover.
Sa programa nga Isugid kay Mayor, suno sa kay Jose Antonio Robello, ang deputy assistant sa Bacolod Traffic Authority Office, tigayon na nila nga nakilala ang tag-iya kag driver sang Vios pinaagi sa bulig sang LTO.
Kahapon na sugilanon ni Robello ang driver kag nag-alegar ini nga kaihi-on na gid kay diabetic amo kun ngaa nag overtake kag nag sugata sa naga pasaka nga salakyan sa flyover.
Pero sa pihak sang iya nga rason ginserbehan siya sa gihapon sang BTAO sang citation ticket bangud sang Disregarding Traffic Signs kag reckless driving. Nagpangayo man sang pasaylo ang driver.
Ginatinghuaan naman sang BTAO nga makilala pa gid ang driver sang raze para maisyuhan man sang citation ticket.