Department of Public Works and Highways Bacolod District office ang nagpananum sang mga seedlings bilang kabaylo sa ginpang utod nila nga mga puno sang kahoy sa gwa sang daan nga airport sang Bacolod.
Dos mil kinyentos ka mga seedlings sang nagkalain-lain nga klase sang puno ang gintanum sang mga katapo sang DPWH sa Barangay Bagong Silang sa banwa sang Don Salvador Benedicto.
Suno kay District Engineer Jaime Javellana, kabahin sang ginkasugtan sang ila ahensya kag sang Department of Environment and Natural Resources sa pag issue sang cutting permit amo ang pagtanum sang isa ka gatus ka mga seedlings sa kada isa ka puno nga ila ma utod.
Gani sa 25 ka mga puno nga ila na utod sa nasambit nga sidewalk, dos mil kinyentos man tanan ka seedlings ang ila ginpangtanum.
Kabahin man ini sang pagsaulog sang dpwh sang earth day celebration kahapon.
Nag angkon sang madamo nga mga negatibo nga reaksyon gikan sa netizens kag environmental groups ang pagpang utod sang DPWH sang amo nga mga kahoy.
Ini matapos nga gin isyuhan sila sang denr sang cutting permit bangud suno sa DENR kumpleto man ang ila requirements base sa kasuguan.