Patay ang isa ka call center agent matapos gin tiro sang makapila ka beses sang riding in tandem samtang naga dala sang iya nga motorsiklo sa Diversion Road sa Bacong, Negros Oriental sang Miyerkules sang gab-i.
Ang biktima ginkilala kay Ronan Selim Dabao, 43 anyos.
Sa imbestigasyon sang PNP, gikan sa iya trabaho ang biktima kag papuli na kun tani sang siya ang gin sundan kag gin tiro sang anum ka beses sang duha ka wala pa makilal-an nga persona sakay sa motorsiklo.
Gindala pa siya sa ospital pero gindeklarar man nga dead on arrival.
Padayon ang imbestigasyon sang kapulisan.