Agud malikawan ang pagbaha sa Reclamation Area, naghulam ang Bacolod City sa DPWH Regional Office sang truck-mounted flood mitigating pump unit nga naga-drain sang tubig pakadto sa baybay.
Nag abot naman sa siudad ang amphibious dredger nga magabulig sa clearing kag desilting sang Mandalagan River.
Ini kabahin sang commitment sang city government nga siguruhon nga magapadayon ang pagwa sang tubig sa mga waterways kag indi na magbaha sa dalan ilabi na sa reclamation area.
Bwas nga adlaw Oktubre 21, suguran ang massive clearing kag desilting sang Mandalagan River.
Sang nagligad nga semana sang gin baha ang pila ka bahin sang central kag northern Bacolod kasunod sang mabunok nga ulan.
Pila sa mga lugar nga natam-an amo ang gwa sang duha ka mga dalagko nga malls sa siudad.