Pasulod sa Mabinay sa Negros Oriental…Naga idas ang mga laya nga puno sang kahoy sa kilid sang dalan bangud sang bagyo nga Odette. May mga poste nga nagkalatumba.
Ang gina paliguan kag gina lumpatan sang sini nga mga kabataan sa una nga tulok pensaron mo nga suba.
Tubig baha pa ini nga nag supot. Wala sang gwaan ang tubig kay napalibutan ini sang mga parte sang na ab ab nga dalan kag sang mga nagkalatumba nga lubi.
Ang in nga awto napuno sang lunang, buka ang wind shield.. Posible na anod man sang baha.
Pasaka pakadto sa Bais City, may mga tinawo ang dpwh nga naga padayon sa clearing operation. Kun idni natumba nga poste, mga natumba kag mga laya nga puno sang kahoy ang makita sa higad sang dalan.
May mga dalan nga may inagyan pa sang landlside kag gin hawanan para lang malabyan bisan one way lang anay.
Sa aerial shots sa kabukiran makita ang inagyan sang mga natiphag nga duta kag ang mga nagkala puspos nga kahoy matapos ang bagyo
Indi pa maka sulod sa city proper sang Bais. Si josefina babor nag sugat sa iya anak sa Bais proper nga naga pang lakaton lang tungod indi pa maagyan sang salakyan ang highway sa Barangay Panalaan bangud sang landslide.
Las onse siya sang aga nag halin sa ila nga balay, las siyete na sang gab-i naka pauli.
Mabudlay mag pangita sang signal sang telco companies, ang ini nga mga kabataan diri naga istambay kay diri lang may signal. Ginpahibalo niya ang iya utod sa Cebu nga ok lang sila.
Ang ini nga panel van ma deliver tani sang gatas kag pagkaon sa Bais kag Dumaguete pero napaslawan sila.
Ang head teacher nga si Eric Calidgid duha na ka adlaw nga naga balik balik kay kinahanglan niya mag file sang report sa DepEd office sa Manjuyod sang damages sang bagyo sa ila eskwelahan pero indi man siya sa gihapon maka tabok bangud sang lutak sa dalan.
Naga double time ang mga taga dpwh para tigayon na nga malabyan ang dalan kag maka dul-ong na sang supply sang pagkaon kag iban pa nga kinahanglanon sa Negros Oriental.