As of October 28, wala na sang active COVID case ang banwa sang Don Salvador Benedicto.
Ang pinaka ulihi nga kaso nga na-record sang banwa ang nag negatibo na sa virus sandig sa iya nga swab test result.
Suno kay Mayor Marxlen Dela Cruz, sa karon may yara na lamang sang tatlo ka persona nga gina-monitor ukon gina kabig nga PUM sa DSB.
Sila ang yara sa quarantine facility sang banwa.
“The most number namon was three. One at a time. Anyway we cannot be complacent about it. Bantay gyapon. Steady kami gyapon sa pagbantay,” suno kay Dela Cruz.
Sumugod Oktubre 16, nangin bukas na ang borders sang Salvador Benedicto.
Suno sa alkalde makita ang liwat nga pagbalik sang mga bisita sa banwa ilabi na sa mga kapehan. Wala labot nga gina sayo naman gid nga daan ang DSB nadugangan pa gid bangud ang masami nga ginabisita man nga mga lugar sa Patag sa Silay City ang ginpasira kag ang Mambukal Resort ang temporaryo naman nga gin covert bilang quarantine facility.
Pero suno sa alkalde sila ang istrikto nga naga monitor sa sining mga lugar nga gina kadtuan para mapasiguro nga gina sunod ang health protocol.
“Damo gid. Damo damo gid. That’s why bantay kami. It seems that everyone is recovering. But income lost for everyone, wala pa di sila fully recover. So far we’re doing good. We in Don Salvador Benedicto must remain vigilant,” suno kay Dela Cruz.
Ang banwa ang isa sa mga lugar sa probinsya nga may manubo nga kaso sang COVID-19.