Isa ka stentay uno anyos nga lalaki nga taga Barangay Banago kag 32 anyos nga babaye nga nagabusong nga taga Barangay Sum-ag ang kumpirmado nga kaso sang Covid-19 Delta variant sa Bacolod.
Sa record sang Department of Health, wala sang history of travel ang mga Covid-19 positive nga lunsay asymptomatic.
July 15 sang nag gwa ang resulta nga positibo ang 71 uno anyos kag July 19 naman nagpositibo sa covid 19 ang babaye nga natalana maga bun ag sang lapsag sa Setyembre.
Ang ila swab test result ang ginpadala pa sa genome center sa Manila kag matapos ang halos isa ka bulan amo pa kumpirma nga delta variant ang nag igo sa ila.
Liwat nga ginkuhaan sang swab test ang mga Covid positive upod ang katapo sang ila panimalay.
Ginpaidalom sa surgical lockdown ang ila nga mga balay.
Napaidalom sa gihapon sa general community quarantine with heightened restrictions ang Bacolod humalin agosto desi sais tubtob trentay uno sandig sa announcement ni Presidential Spokesperson Harry Roque kaina sang aga.
Magluwas sa hugot nga pagpatuman sang border kag travel restrictions, pagpanghanda sang isolation facility, masupog man nga ginapatuman sang Bacolod Emergency Operation Center ang vaccination program agud nga makapangaman ang siudad sa mas makalalaton kag makamamatay nga variant
sang virus.