Gilayon nga nag sinapul ang mga opisyal sang Barangay Banago kaina sang aga matapos mabaton ang report nga may isa sila ka residente nga nag positibo sa Delta variant sang Covid-19.
Gin tagaan sila sang instructions sang Bacolod Emergency Operations Center nga i reswab ang amo nga persona kag i swab test ang kutob sa iya nga mga close contacts.
Suno sa kay Ruby Escobar, barangay health worker sang Banago, anum tanan ka mga close contacts sang senior citizen nga stroke patient ang ginpang swab. Mismo si Dr. Chris Sorongon sang Emergency Operations Center ang personal nga nag pang swab sa pasyente kag sa iya close contacts.
Ang amo nga persona kuno ang diutay lang ang close contacts kay wala na naga gwa sa ila nga balay.
Natapos niya naman ang iya nga quarantine sa iya pag positibo sadtong Hulyo.
Gin lockdown anay ang ila nga balay.