Shadow

DOH: 93% sang mga napatay sa Covid-19 sa Pilipinas, wala mabakunahan

YouTube player

Wala sang herd immunity.

Ini ang nangin pahayag ni Health Secretary Francisco Duque sa pagpati nga indi ini mangin applicable bisan sa mga fully vaccinated.

Pursigido ang mga local government unit humalin pa sang nagsugod ang vaccination program nga malab-ot ang herd immunity.

Pero suno kay Duque, population protection ang mahatag sang vaccination program.

Sa launching sang “Rresbakuna sa Botika” sa mall sa Bacolod, ginpahayag man ni duque nga indi dapat magduha duha ang publiko sa mabulig sang bakuna.

Base sa record sang DOH, nag gwa nga nubentay tres porsyiento sang Covid-19 related deaths sa pungsod ang wala mabakunahan. May otsentay sinko porsyiento naman sang mga na-ospital ang indi man bakunado.

Samtang gin-anunsyo man ni Vaccine Czar Vince Dizon nga gin-reschedule nila ang pilot launching sang 5-11 year old vaccination program sa lunes natungod man sang delay sa pag-abot sang kapin 760 mil ka doses sang Pfizer vaccine. Ang manubo nga dosage sang brand sang bakuna amo ang natalana gamiton para sa mga menor de edad.

Secured By miniOrangeSecured By miniOrange