Handa ang tag-iya sang napatay nga ido nga si Fancy nga maghatag sang reward nga P20,000 sa makatudlo sang gin-alegar nag-abuso kag nagpatay sa iya, nga isa ka beagle.
Suno sa Bach Project PH, nadula si Fancy sadtong Hunyo 29 sang aga kag nakita pagkasunod nga adlaw, Hunyo 30 malapit sa RCA Engineering sa Barangay Cabug, siudad sang Bacolod, pero patay na ang ido.
May mga indikasyon nga posible gin abuso ini, gani napatay. Gani luyag sang tag-iya nga matagaan sang hustisya ang iya nga kamatayon. Nagapasalig naman ang tag-iya nga magapabilin nga confidential ang identity sang magahatag sang impormasyon tuhoy sa kamatayon sang iya nga ido.