Mayor Ablee Benitez nagsaylo na sa bag-o nahuman nga Mayor’s Office. Iban pa nga opisina sa government center ang natalana kay-uhon.
Daw hotel ang hitsura sang renovated Mayor’s Office tungod man sang modern luxury design.
Kaina gin-tour sang alkalde ang katapo sang media kag pila pa ka mga bisita sa bag-o kaayo nga opisina.
Kapin sa P16M ang pondo sa renovation nga personal nga gingastuhan sang alkalde. Ini agud man magamit ang pondo sang siudad sa pagpakaayo sang mga public comfort rooms.
Nagpasalig man ang alkalde nga magluwas sa Mayor’s Office may pila pa ka opisina sa Bacolod City Government Center ang natalana nga ipakay-o sang siudad.