Ginapaabot nga mapahagan-hagan na ang adlaw-adlaw nga mga brownout sa bilog nga Visayas lakip na sa isla sang Negros kun matapos na kaayo ang pila ka dalagko nga mga power plants sa Visayas nga gina lauman matapos sa sini nga semana.
Ini ang gin anunsyo ni Department of Energy Secretary Sharon Garin.
Humalin sang nagliligad nga sinemana ginapaidalom sa Yellow kag Red Alert ang Visayas Grid bangud kulang ang power supply para sa Visayas.
Pero ginapaabot na sa pagpatuman sang repair sa mga major plants dako na ini nga bulig para maibanan ang yellow kag red alert sa Visayas.
Sa kada announcement sang National Grid Corporation of the Philippines ukon NGCP, ila gina siling nga bangud sa kakulang sang power supply sa bilog nga Visayas dala sang pagka guba sang pila ka mga planta, may ginapatuman nga sunod-sunod nga brownouts.
Naga coordinate man karon ang DOE sa iban nga stakeholders angut sitwasyon sa Visayas. I-connect ang apat ka battery storage facilities sa Iloilo, Negros, Cebu, kag Leyte para makabulig sa pag balanse sang supply sa Visayas grid.
[sibwp_form id=1]