May 50 tubtob 100 MW ang kakulang sang power supply sa Negros. Ini suno sa tiglawas sang Department of Energy nga natambong sa Negros Power Electric Forum nga ginsakdag kaina. Samtang, pagtuga sang Negros Island Power Development Council ang ginaduso.
Sa Negros Power Electric Forum nga ginpatigayon kaina, ginduso ang pag porma sang resolution nga maga hinyo sa Provincial Development Council nga mag tuga sang Negros Island Power Development Council. Suno kay Frank Carbon ang co-chair sang PCCI Energy, Power and Water Committee, ang Metro Bacolod Chamber of Commerce and Industry nga katapo sang PDC ang maga endorso sini sa PDC.
Ang grupo nga pagatapuan sang mga power stakeholders, tiglawas sang NEA, DOE kag ERC ang may daku nga papel sa pag paayo sang power situation sa isla sa tinutuyo nga mapasanyog pa gid ang ekonomiya.
“All the players will do is meeting together regularly, assessing the power situation and making recommendations, what we’re going to do to so that we could attain the power needed in the years to come, so the development of the island will continue. No power, no business, believe me”, suno kay Carbon.
Gina abi-abi ni Engr Rey Malleza sang DOE ang tikang bangud suno sa iya makapadasig ini sa pag facilitate sang mga projects.
Mga 50 to 100 megawatts suno sa iya ang kulang sa power supply nga ginapun-an naman gikan sa mga sources nga yara sa iban nga probinsya kaangay sang Cebu kag Iloilo.