Nagpatigayon na sang disinfection sa mga eskwelahan sa EB Magalona nga may yara sang suspected nga mga kaso sang hand foot and mouth disease ukon HFMD.
Sa EB Magalona Elementary School, ang mga classroom ang gin pang disinfect lakip na ang iban pa gid nga talatapan sang eskwelahan sang Hwebes.
No cause for alarm ang mga suspected cases suno kay Mayor Matthew Louis Malacon.
May walo ka mga barangay sa banwa ang gin-report nag record sang suspected HFMD cases.
Suno sa alkalde subject for confirmation paagi sa laboratory testing ang ini nga mga kaso.
Ang face to face nga klase sa mga eskwelahan nga may suspected cases sang HFMD ang gin-suspend humalin pa sang Hwebes, nalakip man sa gin-suspend ang klase ang tanan nga day care centers para makapatuman sang disinfection.
Wala sang dapat kahadlukan ang pumuluyo suno kay Malacon.
Sa record sang Provincial Health Office, may 16 ka HFMD cases ang EB Magalona as of July 10.
Sa record sang PHO humalin naman Enero tubtob June 28, may 828 ang kabilugan nga kaso sang HFMD sa probinsya. Ang may pinaka madamo nga na report ang Bago City – 241 cases.