Isa pa gid ka kumpanya ang nag pabutyag sang interes sa pag-invest sa bulk water project sang probinsya.
Suno kay Provincial Administrator Rayfrando Diaz, ang San Miguel Corporation, nga amo man ang operator sang Bulacan Bulk Water sa Luzon ang nag pakig-angut sa iya kag nag pabutyag sang interes kag luyag nga magsapol sa team para matalakay ang posibilidad nga sila ang maka pakigbahin sa ginapaabot nga bidding.
Naka schedule ang bidding para sa proyekto sa Hulyo.
Suno kay Diaz ini ang ika apat na nga kumpanya nga nag pabutyag sang interes.
Samtang, sa Hunyo19 naman iga present sang consultant sang bulk water project kay Governor Eugenio Jose Lacson kag sa katapo sang technical working group ang ila nga feasibility study.
Diri mapat-od ang tanan nga specifics nga nagalakip sang business plan, detalye sa infrastructure, location sang planta, ang budget kag iban pa. saamo man nga adlaw mapat-od ang petsa para sa investor’s forum.
Samtang, wala pa man may nabaton ang talatapan ni Diaz sang letter of interest para sa bulk water project gikan sa Bacolod City Water District nga damlag pa ginreport nga nagpabutyag sang ila nga interes man sa amo nga proyekto.