Bag-ong pungko nga gobernador sang Negros Oriental nagpagwa sang memorandum order nga naga mando sa PNP nga dakpon ang tanan nga naga patigayon sang illegal quarrying sa probinsya.
Subong nga adlaw ginpagwa ni Governor Manuel Chaco Sagarbarria ang Memorendum Number 17 nga naga mando sa kay Negros Oriental Acting Provincial Police Director Alex Recinto nga padayunon ang pagpanakop sa mga naga patigayon sang illegal quarrying sa probinsya nga wala sang may pinili-an.
May pila ka mga reklamo gikan sa mga pumuluyo sa nagapadayon nga illegal quarrying sa probinsya.
Sa idalom sang Local Government Code, ang gobernador ang may exclusive authority sa pag issue ang permit sa pagkuha sang balas kag iban pa nga quarry resources sa isa ka probinsya.
Hugot nga ipatuman sang gobernador ang pagkuha sang quarry permit nga dapat gina comply sang mga quarry operators sa probinsya.
Ini ang isa sa mga nahauna nga mga mando si Sagarbarria humalin sang nagbulos ini sa nagtaliwan nga si anay Governor Carlo Jorge Joan Reyes nga nagtaliwan sadtong Mayo 31 2023.