Gina-imbestigahan pa sang fire investigators ang nagluntad nga sunog sa detachment sang Philippine National Police – Special Action Force – 6th Special Action Battalion sa Sitio Tan-ao, Barangay Poblacion II sa Sagay City sadtong Sabado sang hapon.
Bangud sa kalaparon sang nagakasunog nga building, ginpasaka sa 2nd alarm ang sunog agud gilayon nga mapalong ang kalayo kag indi na maglapta kag makahalit pa sa mga kaiping nga propiedad.
Nag-ibwal ang kalayo pasado las 5:30 sang hapon kag na-deklarar ang Bureau of Fire Protection sang fire out mga las syete sang gab-i.
Base sa inisyal nga impormasyon, nasunog ang administration building sang detachment.
Nagbulig responde ang mga firetrucks halin sa Escalante kag Cadiz, pati na ang Lopez Sugar Corporation Brigade kag BFP fire sub-station sa Bato, Sagay City.
Wala sang reported nga nasamaran sa insidente, suno sa Sagay City Fire Station.
[sibwp_form id=1]