Liwat nga nagpangabay si Bacolod City Mayor Greg Gasataya sa mga empleyado sang siudad nga may mga licensed firearms nga mangin responsable sa pagtago sang ila nga mga armas.
Ini matapos ang isa pagid ka school shooting incident nga natabo sa South Cotabato kun sa diin ang armas nga gingamit sang menor de edad nga suspek ang iya sang iya amay nga naga trabaho sa gobyerno.
Ginsiling ni Gasataya, nga madamo sang mga empleyado sang siudad sang Bacolod ang lisensyado man nga gun owners, rason nga nagpahanumdom ini agud indi man matabo ang kaangay nga insidente sa South Cotabato.
Dugang niya, kinahanglan nga sigurohon sang mga gun owners nga indi ma access sang ila mga bata ang ila mga armas.
Hugot sa gihapon ang pagbantay sang mga otoridad sa mga pampubliko nga eskwelahan sa Bacolod City, apang suno kay Gasataya kinahanglan nga mabantayan na nga daan ang mga bata sa ila pa lang nga mga balay.
Ang tagsa ka public school ang una na nga ginhatagan sang suidad sang hand held metal detectors apang yara palang sa bidding process ang mga walk through metal detectors nga igapahamtang sa mga dalagko nga mga public schools sa siudad.
[sibwp_form id=1]