Shadow

Desisyon sang ERB tuhoy sa petition vs Benitez posible magwa sa katapusan pa sang Hulyo

Comelec Bacolod photo

Sa tion nga mabaton sang Election Registration Board ang position paper ni anay congressman Albee Benitez angut sa opposition sa iya nga transfer of registration, maga deliberate ang ERB angut diri.

Sa ERB hearing kahapon ginpa submit si Benitez sang position paper sa sulod sang tatlo ka adlaw.

Suno kay Atty Kathrina Trinio-Cana, ang elections officer sang bacolod kag pamuno man sang ERB, pagkatapos sang deliberation sang ERB ginalauman ang pagpa gwa sang resolution angut diri.

Dugang pa ni Trinio-Cana ang desisyon sang ERB ang final.

Kun may luyag nga mag kwestion sini sa magtimbang nga bahin sa korte na ini ipatuhoy.

Magluwas sang opposition kay Benitez, nagapadayon man ang ERB hearing sa 241 ka iban pa nga mga registrants nga gin-oppose ang ila application for registration.

Suno kay Trinio-Cana, ginalauman nga ang desisyon sa tanan mapa gwa sa katapusan sang bulan.

Sa kabilugan, may 10,199 ka application humalin April 13 tubtob June 30. Ang mga unopposed applicants diri, ukon ang 9,957 ang gin-aprobahan na sang ERB sang Lunes.

Leave a Reply

Your email address will not be published. Required fields are marked *

Secured By miniOrangeSecured By miniOrange