Sa Agosto 5 mahibaluan kun sin-o ang napilian kag nagdaog sa bid para sa pag host sang Palarong Pambansa 2024.
Suno kay Negros Occidental Governor Eugenio Jose Lacson, sa mismo pag takop sang Palarong Pambansa 2023 sa Marikina iga-announce ni Vice President Sara Duterte nga amo man ang tiglikum sang Department of Education ang nag daog.
Suno kay Lacson nga nag present sang iya nga pitch para sa bid sang Negros Occidental sang Biyernes sa DepEd Central Office sa Manila, tatlo sila – upod ang tiglawas sang Cebu City kag probinsya sang Antique ang parehos nga confident sa ila nga pag bid sa hosting.
Kasubong sang 2019 nga pag bid man sang Negros Occidental, suno kay Lacson ang gin pamangkot sang panel amo ang bahin sa seguridad sang probinsya.
Ini may kaangtanan sa mga report sang engkwentro sa tunga sang militar kag rebeldeng NPA.
Napaathag naman sang gobernador nga tuman na kalayo sang lugar kun diin nagakatabo ini, gikan sa Panaad Park and Stadium – ang venue kun dini patigayunon ang hinampang.