Dala sang Orange Rainfall Warning ukon mabunok nga ulan nga naga lakip sang probinsya sang Negros Occidental, Bacolod City kag napulo ka iban pa nga mga banwa kag siudad ang nag kansela sang ila nga klase.
Nalakip sa nag deklara sang suspension of classes sa tanan nga level amo ang San Carlos City, EB Magalona, Victorias City, Pulupandan, Talisay City nga tubtob lamang sa Senior High School, Himamaylan City, Silay City, Kabankalan City, Hinoba-an kag Cadiz City.
Pero suno sa DepEd Western Visayas nagdeklara man sang suspension of classes ang mga LGU indi man lubos nga apektado ang klase bangud nag shift ang mga eskwelahan sa Alternative Delivery Mode of Learning, kasubong sang online classes, ukon ayhan sa module.
Sa datus nga gin-release sang DepEd Western Visayas, 33.94 percent sa mga public schools sa bilog nga rehiyon ang nag shift sa alternative delivery mode of learning.
Nagakasayuran suno kay Hernani Escullar, ang spokesperson sang DepEd Region 6 nga sa 4,048 ka mga public schools, 1,374 ang nag shift sa alternative delivery mode of learning.
Sa Negros Occidental, Silay, Cadiz, Victorias kag Himamaylan Division, suno sa Dep-Ed 6, may 452 ka mga eskwelahan ang nag shift.