Gin-submit na sa tiglikum sang Department of Environment and Natural Resources ang assessment report angut sa natabo nga flashflood sa Negros nga nag-utas sang halos isa ka gatos ka kabuhi kag nagdala sang daku nga kahalitan.
Suno kay DENR Negros Island Region Executive Director, Charlie Fabre, dala sang pila ka mga linog man nga nag tay-og sa probinsya nag humok ang duta.
Ika duha, ang 400 mm nga ulan na nag bubo sa sulod sang duha tubtob tatlo ka oras ang nagtuga sang landslide.
Ang natuga nga flash flood nagdala sang mga kakahuyan. Sa ila nga report, ang mga kahoy, uprooted ukon nagkalaanod gikan sa ila nga mga ugat.
Taliw-as sa mga alegasyon sang illegal logging suno kay Fabre, wala sila sang nakit-an nga mga kahoy nga gin pang-utod.
Padayon sa karon ang inventory sang mga kahoy. As of November 13, ang Mt Kanlaon National Park personnel nag naka inventory sang 12,636 ka board feet sang mga nag kalaanod nga kahoy sa Bagacay Creek lamang sa Brgy Biaknabato sa La Castellana.
Upod na sa na submit nga report ang mga recommendation. Pila diri amo ang pag talakay sang encroachment sang mga settlements sa forested area sang MKNP kag pag clear sang mga nabara nga trails.
“Ibig sabihin marami talaga ang rainfall during sa time ng typhoon Tino kaya nagiging malaki ang tubig na dumalos dun sa mga bayan. Again sa mga report ng tao namin, tapos sa mga pictures, it appears talaga na uprooted trees along the riverbanks or galing sa bundok ng Mt Kanlaon”, suno kay Fabre. *