Nagsulat na bilang sabat kay Negros Occidental Governor Eugenio Jose Lacson ang HAPI kag nagpasalig nga sila ang maga comply sa gina pangayo nga Environmental Compliance Certificate.
Ila man ginsiling nga sila ang maga untat sang ila nga earth moving activities.
Ini suno kay Governor Lacson. Sa interview sang media sa iya Lunes sang aga, iya man ginsiling nga nagsugilanon na sila ni Environment Secretary Raphael Lotilla kasunod man sang iya nga pag sulat sa iya nga mag patunga sa issue angut sa Hacienda Asia Plantations, Inc. nga amo ang naga operate sang palm oil plantation sa Candoni.
Ginsiling ni Lotilla suno sa gobernador nga siya ang naka sugilanon na sa tag-iya sang kumbuyahan kag napahibalo ini nga sila ang mga apply para sa nagakaigo nga ECC kag nag pasalig ang HAPI sa tiglikum nga sila ang maga buhat sini.
Ang quarry activities kag iban nga earthmoving activities man lamang ang ginpauntat. Padayon naman ang activities may kaangtanan sa palm oil plantation.
Damlag pa ginserbe sang Environment Management Bureau 6 ang Cease and Desist Order sa mga earthmoving activities sang HAPI. Gina hulat pa sang EMB 6 gikan sa DENR ang bahin sa kaundan sang IFMA ukon Integrated Forest Management Agreement Area nga na grant sa HAPI.