Nagsaka na sa anum ang dengue related deaths sa Negros Occidental.
Padayon man ang pagsaka sa kadamuon sang dengue cases sa probinsya.
Sa report sang Provincial Health Office, as of February 15, 849 ang dengue cases nga na-record.
Kun ipaanggid sa kasubong nga tion sang nagligad nga tuig, 387.93 percent ini nga nagsaka.
Kadam-an sa mga apektado sang dengue yara sa 11 to 20 years old nga age group.
Sa mga lugar sa probinsya ang Bago City ang may pinaka madamo nga na-record nga kaso – 186.
Pero sa mga LGU nga nalakip sa top ten bahin sa kadamuon sang kaso ang San Carlos City, Silay City kag Isabela ang may na record nga tig-isa ka dengue related death.
Padayon ang panawagan sang Department of Health nga mag halong kontra sa dengue.
Gilayon nga mag pakonsulta kun naga hilanat na sang duha ka adlaw.
Pila sa mga sintoma nga tandaan amo ang pagsakit sang tiyan, pagsuka, pagdugo sa ngislo, dugo sa pag pamuhin, pag palangluya kag pagdugo sang ilong, bisan pa rashes.
Wala man naga untat abiso sa publiko nga mag mangin matinlo sa palibot kag labi na nga likawan ang stagnant ukon naga pundo nga tubig.