Sa June 11 nga report sang City Health Office, nagdangat na sa 207 ang dengue cases kun sa diin apat ang napatay.
Suno sa City Health Office, 137.3 percent ini nga mas mataas sang sa kasubong nga tion sang nagligad nga tuig.
Ang Barangay Estefania ang naga panguna sa mga pinaka madamo nga kaso sang dengue – 21, naga sunod ang Tangub nga may 20 cases. Ikatlo ang Singcang- Airport – 18, nga gina sundan sang Mandalagan – 16, kag ika lima ang Mansilingan kag Sum-ag nga may tig 14 ka kaso.
Kabahin sang kampanya kontra sa dengue, kaupod ang mga barangay, ang pag porma sang Barangay Anti Dengue Task Force.
Paagi sa mga health centers gin panagtag naman ang mga larvicide.
Suno kay Roselyn Bohol, Midwife IV sang ABES Health Center, ang mga barangay health workers mismo ang naga pamutang sang mga larvicide.
Gina pasiguro man nga wala sang mga stagnant water suno sa iya.
May dengue fast lane naman nga napahamtang.
Ang mga maga positibo sa rapid test sa dengue ang ginapa konsulta gilayon sa duktor.