Malapit na sa 7,000 mark ang dengue cases sa Western Visayas, may lima naman ka dengue deaths ang na record.
Sa datus sang Department of Health, sa July 10 to 16 nga semana, may 674 ka new dengue cases ang na report sa Western Visayas.
Ang Negros Occidental, may 230 new cases nga na report sa amo nga tion.
910 percent ini nga mas mataas kun ipaangid sa kasubong nga tion sang 2021.
Humalin sang Enero, 2,445 ang total cases sang probinsya kag 11 ang napatay bangud sang dengue.
Sa Region 6 sa datus sang DOH ang Negros Occidental ang may pinaka mataas nga na record nga new dengue cases. Naga sunod naman ang Iloilo province nga may 161 new cases kag ikatlo ang Antique nga may 118 new cases.
Samtang, ang lima ka dengue deaths sa amo nga semana nag gikan sa Antique – 2, kag tig-isa naman gikan sa Iloilo Province, Bacolod City kag Negros Occidental.
Samtang, ang Bacolod naman may 41 new cases kag 6 total deaths.
Padayon ang kampanya kontra dengue nga naga lakip sang rekurida sa mga komunidad.