313 percent nga nag saka ang dengue cases sa probinsya kun ipaangid sa datus sang nagligad nga tuig.
Pero, suno sa Provincial Health Office amat-amat na sa karon naga nubo ang kadamuon sang kaso.
Humalin Enero tubtob Oktubre 26 sini nga tuig, 5,338 ang dengue cases nga na-record sang PHO. 15 ang gin-report dengue related deaths. Suno kay Dr Girlie Pinongan, ang PHO indi na kasubong kadamo ang dengue cases sang tion sang Agosto.
Naga ulan kag naga init suno sa iya kag indi basta-basta madula ang mga breeding ground sang lamok nga nagadala sang dengue.
Rason, nga wala man sila naga untat kampanya sa pumuluyo para sa matinlo nga palibot.
Samtang, humalin Enero tubtob October 26, may 1,137 ka typhoid cases nga na record ang PHO. Napulo naman ang gin-report napatay bangud sang typhoid.
Nagakakuha ang typhoid gikan sa na contaminate nga tubig ukon pagkaon.
Nagdangat naman sa 1,014 ang influenza like illness sa probinsya as of October 26.
Isa naman ang gin report napatay.