Amat-amat na nga ginbungkag ang Vendor’s Plaza sa kilid sang Manokan Country sa Fr. Ferrero Street.
Dinekada na ang pasilidad nga sadto anay ginpagamit sa mga manugbaligya sa reclamation area kag sidewalk vendors sa downtown area.
Una ini nga ginkudalan sang SMPHI antes ginsuguran ang demolisyon sa Manokan Country.
Ang Vendor’s Plaza ang kabahin sang 3-hectare property sang siudad nga gin-rentahan sang SMPHI para ma-develop upod sa Manokan Country.
Ginpatuman na sang Bacolod Traffic Authority Office ang pagpasira sang Fr. Ferrero Street para masiguro nga malikawan ang risgo samtang nagapadayon ang demolisyon sa lugar.