Demolisyon sa Barangay 12 indi masuguran samtang wala pa nakudalan ang Vendors’ Plaza kag kaiping nga mga beerhouse.
Wala pa makapamutang sang kudal ang SM Prime Holdings Incorporated sa palibot sang Vendors’ Plaza kag kaiping nga mga beerhouse sa Barangay 12.
Gani indi pa man makapatuman sang demolisyon ang City Legal Office Enforcement Team sang mga illegal structures pila diri mga hayob-hayob kag mga baligyaan sang mga informal settler families.
Suno kay Atty. Romeo Carlos Ting, Jr., ang Vendors’ Plaza nga kaiping lang sang Manokan Country ang kabahin sang development project sang SMPHI sa 3 hectare property sa reclamation area.
Sa record sang Bacolod Housing Authority may malapit 60 tanan ka mga pamilya ang sarang matagaan sang relokasyon sa bag-o acquire nga duta sa Barangay Vista Alegre.