Nahauna nga tatlo ka adlaw sang Voter’s Registration sa Negros Occidental ang nangin maayo.
COMELEC naga laum nga kuntani indi mag nubo sa 2000 ka application ang ila mabaton sa kada adlaw.
4,593 ang nabaton nga transaction sang COMELEC sa nagligad nga tatlo ka adlaw.
Nagdangat sa 2,089 ka mga nagkalain-lain nga transaction ang nabaton sang COMELEC sa una nga adlaw sang Voter’s Registration sadtong Pebrero 12.
Nagpanaog naman ini sa 1,374 sa ika duha nga adlaw kag nanaog pa gid sa 1,130 sa ikatlo nga adlaw.
Ang pag panaog namutikan man sang COMELEC pero suno kay Provincial Elections Supervisor Ian Lee Ananoria kuntani indi na ini mag panaog pa.
Gina sulit naman sang COMELEC ang imbitasyon sini sa Pebrero 23 para sa Registration Fair sa SM City kun sa diin sarang nga makapadulong ang tanan gikan sa nagkalain-alin nga banwa kag siudad nga luyag mag pa rehistro.