Nakasulod na sa first reading sang Sangguniang Panlungsod sang Bacolod City ang 5.3 billion pesos nga proposed 2027 annual budget kag natalana ini nga iga-deliberate sang mga konsehal sa ikaduha nga semana sang Nobyembre.
Ginsiling ni Councilor Jude Thaddeus Sayson, pamuno sang Committee on Finance nga magapatigayon sila sang marathon sessions sa amo nga tion agud mapadasig ang pag pasar sang budget.
Ang 5.3 billion proposed budget ang mas mataas sang 650 million pesos kun ikumpara sa 2026 annual budget sang siudad.
Suno kay Sayson, ang Department of Social Services and Development ukon DSSD ang may pinaka dako nga proposed budget para sa 2027. Lakip diri ang mga social pensions kag financial assistance nga ginahatag sa mga naga kinahanglan.
Dugang sang konsehal 6 to 8 percent sang proposed budget ang natalana man bilang inugbayad sang siudad sa mga utang sini ukon ang existing loans.
Indi naman kinahanglan suno sa iya nga matapos anay ang comprehensive review sang loans sang siudad antes aprubahan ang 2027 annual budget bangud sa deliberation mismo talakayon man ini bilang kabahin sang pag approve sang budget.
Tuyo sang Committee on Finance nga matapos ang deliberation sa December 15 agud ma aprubahan na ini antes matapos ang tuig.
[sibwp_form id=1]