Shadow

Debate para sa mayoral kag gubernatorial candidates madayon sa bwas suno sa organizers

Una nga nag panagabay nga himuon face to face ang debate si bacolod mayor evelio leonardia kag masunod si gubernatorial aspirant Atty. John Orola.

Pero suno sa organizing committee, ang University of the Philippines Law Alumni Association Negros Occidental Chapter, ang tanan nga mga kandidato magluwas na lamang kay Ma. Socorro Sibulan Okada nga indi ma contact, ang na brief na sa technical run.

Sila ang naka pakig angut naman sa tanan nga mga naga duso sang face to face nga format.

Sa pihak sang mga gagmay nga problema excited na ang organizers nga matagaan sang platform ang publiko nga makilala ang mga kandidato kag ang ila nga panindugan sa mga isyu para mabuligan sila sa pagpili sang ila botohon nga kandidato.

Si Comelec Commissioner Rowena Guanzon ang maga bukas sang event kag paga sundan sang mayoral debate kag masunod ang gubernatorial debate.

May tatlo ka mga segment, una ang mga pamangkot gikan sa sectoral representatives, paga sundan sang mga pamangkot gikan sa publiko kag ang third part, mismo na ang mga kandidato ang maga pamangkutanay.

Kaupod sang UP Law Alumni Association Negros Occidental Chapter ang University of St. La Salle Bacolod kag Philippine Daily Inquirer sa pagpatigayon sang Debate Eleksyon 2022.

Bwas na ini sa aga masaksihan sa Facebook live kag ang link ang ipost man diri sa Digicast Negros Facebook page.

Leave a Reply

Your email address will not be published. Required fields are marked *

Secured By miniOrangeSecured By miniOrange