Friday, November 20

DBM wala pa sang sabat angut sa pag reconsider sang bag-o nga guidelines sa paghatag sang CNA incentives sa mga government employees

Tubtob sa karun wala pa nakabaton sang sabat gikan sa Department of Budget and Management ang Bacolod City LGU tuhoy sa apela sang League of Cities nga indi anay pagpatuman ang bag-o nga guidelines sang paghatag sang Collective Negotiation Agreement ukon CNA Incentives sa mga empleyado sang gobyerno.

Sa piyak sini ginapaabot ni Bacolod City Mayor Greg Gasataya nga mangin paborable sa mga empleyado ang sabat sang DBM.

Sandig sa bag-o nga pagsulundan sang DBM, kinahanglan nga magamit ang 75 percent sang Development Fund sang siudad antes ini ma qualify sa CNA incentives. Apang suno kay Councilor Jude Thaddeus Sayson, yara palang sa 50-60 percent ang sang 400 million pesos nga development fund ang nagamit.

Ini ang rason kun ngaa indi ma qualify sa bag-o nga guidelines ang siudad sang Bacolod.

Suno sa alkalde, ila na ginhingyo ang DBM nga kun sarang ipatuman lang anay sini nga tuig ang ka parehas nga guidelines sang 2025 agud ma siguro nga mahatagan sang CNA Incentives ang mga empleyado sang siudad kag kun mahimo sa masunod nga tuig nalang ipatuman ang bag-o nga guidelines.

Indi lamang ang siyudad sang Bacolod ang nagpangatubang sang ini nga pag panghangkat kundi ang iban pagid nga mga siudad kag municipalidad sa pungsod.

Sa mandu sang DBM, kinahanglan nga sa Disyembre 15 tubtob 31, mahatag na ang incentives. 30,000 pesos ang maximum nga sarang mabaton sang isa ka empleyado.

Mga regular, contractual, kag casual nga mga empleyado sang gobyerno ang mga kwalipikado sa amo nga incentives.

[sibwp_form id=1]
Secured By miniOrangeSecured By miniOrange