Nagsaka sa 14 million pesos ang kahalitan sa humayan tuga sang drought kag dry spell.
Sa datus sang Office of the Provincial Agriculturist, 14.4 million pesos ang danyos sa humayan sa pito ka mga banwa kag siudad sa probinsya. 369 ka ektariya ang apektado. Padayon pa ang survey sang OPA sa mga apektado nga mangunguma. Suno kay Governor Eugenio Jose Lacson, madamo na sang mga mangunguma ang naghinyo bahin sa assistance. Damlag pa gin siling sang gobernador nga mahimo 2,500 pesos ang bulig nga mahatag sa kwalipikado nga apektado nga mangunguma.
Samtang, natalana naman mag sugilanon si Lacson sa Regional Director sang Department of Agriculture bahin sa posible cloudseeding operation. Kinahanglan sang tul-id nga pagtuon ang amo nga tikang suno sa DA, suno kay Lacson.