Padayon karon ang panawagan sang Bacolod City Police Office sa mga pumuluyo nga magsunod sa executive order angut sa curfew bangud naga damo pa gid ang gakadakpan subong sang kapulisan bangud sang pag lapas sa curfew.
Sa datos sang BCPO, sang nag ligad nga semana humalin Nobyembre 15 tubtob 21, may yara sang 503 ka mga violators nga gin dakop ang mga pulis bangud sang ila pag lapas sa curfew.
Ini bisan pa gin idog na ang curfew hours humalin 10pm, karon 11pm na ini tubtob 4am.
Kun sumahon humalin sang Enero, suno sa BCPO, yara na sa 13,245 tanan ang mga nadakpan nga naga lapas sa curfew.
Gin pahayag naman ni BCPO spokesperson, Lt Col Sherlock Gabana, ang pag sunod sa curfew protocol ang indi lang para sa pag tapna batuk sa paglapta sang Covid-19 kundi pati man sa seguridad sang tagsa.