Sa Resolution number 001 sang Regional Joint Security Control Center 7 Special Task Force: Negros Oriental nga sumugod Sabado, Oktubre 28, may ipatuman na nga curfew sa bilog nga probinsya halin las diyes sang gab-i tubtob las kwatro sang kaagahon.
Amo man sini sa gihapon nga mga inoras ang curfew sa masunod nga adlaw sang Domingo, Las 10 tubtob las kwatro man sang kaagahon ang curfew.
Wala sang persona nga tugutan nga magwa sa iya nga puluy-an pag patak sang las diyes sang gab-i magluwas na lang kun naga trabaho sa BPO company, healthcare worker, naga transport sang goods or services.
Ang madakpan nga naglapas sa curfew ang iga detain tubtob las singko sang kaagahon pagkasunod nga adlaw.
Ini ang isa sa mga ginkasugtan sang COMELEC kag iban nga ahensya sa pagpaidalom sang Negros Oriental sa COMELEC control.