Curfew hours sa Bacolod ginpalip-ot karon nga bulan sang paskwa.
Pero magapabilin gihapon sa alert level 2 ang siudad bilang pagpangaman sa Omicron variant kag pagsaka sang Covid-19 cases karon nga holiday season.
Kun basehan ang pagnubo sang Covid-19 cases pati na ang healthcare utilization capacity rate mahimu na nga mapaidalom sa alert level 1 status ang Bacolod.
Pero suno kay Em Ang , executive director sang Emergency Operations Center, ginpaiway anay sang National Inter Agency Task Force ang pagpahalog sang mga restrictions kag sa baylo ginpaidalom ang mga local government unit sa alert level 2 bilang pagpangaman sa epekto sang omicron variant kag posible pagsaka sang Covid-19 cases karon nga paskwa.
Sandig man sa executive order ni Mayor Evelio Leonardia, ang alert level status ang magalawig tubtob Disyembre 31.
Dungan sini ang pagpalip-ot sang curfew hours nga magasugod las onse sang aga tubtob las tres sang kaagahon.
Suspended naman ang curfew hours sa Disyembre 24 , 25 kag 31.