Kahalitan sa pananom dala sang El Nino Phenomenon ang nagdangat sa 97.7 million pesos. Congressman Dino Yulo ang maga appeal para sa cloudseeding operation.
Sa interview sa katapo sang media sang Lunes, ginsiling ni Congressman Yulo nga personal siya nga maga bisita sa talatapan sang Bureau of Soils and Water Management para ihinyo liwat ang pag patuman sang cloudseeding operation para maluwas man ang pananum sa probinsya nga apektado sang tuman nga kainiton.
2,189 naka ektarya sang pananom ang apektado sang drought base sa report sang Office of the Provincial Agriculturist as of March 27.
Nagtipon na siya sang mga litrato sang ginakabig occasional seedable clouds sa probinsya para iya nga i-present sa BSWM.
Ini apesar sang report sang BSWM nga damlag pa nag patuman sang assessment sa probinsya angut sa request para sa amo nga cloudseeding operation. Sa amo nga report ginpaathag sang BSWM nga mga bulan sang Nobyembre tubtob Abril ang mga dry periods para sa Climate Type III. Ang cloudseeding operation indi maga resulta sa light to moderate rains labi na sa bulan sang Marso tubtob Abril bangud sang kakulang sang moisture kag madiutay nga seedable clouds sa probinsya sang Negros Occidental, rason nga wala nila gina recommend ang pagpatuman sini. Para naman kay Governor Eugenio Jose Lacson, naka pa gwa na sang opinion ang mga eksperto pero kun may posibilidad man lang sang pagtupa sang ulan, naga suporta siya sa panawagan ni Yulo.