Indi pa mapat-ud kun sanday sin-o ang magapapili sa pagka-kongresista, alkalde kag bise alkalde sa Asenso Bacolod. Samtang wala pa man maka-anunsyo si Mayor Albee Benitez, ginsiling ni Councilor Jude Thaddeus Sayson nga handa siya kun siya ang pili-on sang grupo nga magpapili sa pagka-bise alkalde.
Si Sayson nagserbe bise-alkalde sang 2007 asta 2013 kag napili sadto nga National Vice-President sang Vice Mayor’s League of the Philippines. Ginpahayag sadto ni Sayson nga kuntento na siya bilang konsehal pero may mga initial talks na bahin sa iya pagbalik sa pagpapili bilang bise-alkalde sang Team Asenso. Pero ini ang wala pa sang final nga decision halin sa political group.
Sa madasun semana ginapaabot niya ang announcement sang alkalde angut sa ila mangin line-up sa 2025 elections. Sa Oktubre 8 sila natalana magafile sang Certificate of Candidacy.